આ બેઠકમાં પ્રદેશ ઈન્ચાર્જ વિનોદભાઈ શર્મા, સૌરાષ્ટ્ર ઝોનના ઈન્ચાર્જ ગણપતસિંહ જાડેજા, જિલ્લા મહામંત્રી હાર્દિકભાઈ ટમાલિયા, તેમજ સુરેન્દ્રનગર જિલ્લા ઈન્ચાર્જ અને સહ-ઈન્ચાર્જ સહિતના અગ્રણીઓ ઉપસ્થિત રહ્યા હતા.
બેઠકનો મુખ્ય ઉદ્દેશ્ય "વન નેશન વન ઇલેક્શન" ના વિચાર અંગે જાગૃતિ લાવવાનો અને આગામી સાયક્લોથોન તથા વોકેથોન કાર્યક્રમને સફળ બનાવવા માટેની રણનીતિ ઘડવાનો હતો. 
આ કાર્યક્રમો દ્વારા વધુને વધુ લોકોને આ પહેલમાં જોડાવવા અને સ્વાસ્થ્ય પ્રત્યે જાગૃત કરવા પર ભાર મૂકવામાં આવ્યો હતો. બેઠકમાં કાર્યક્રમોના સુચારૂ સંચાલન અને વ્યાપક ભાગીદારી સુનિશ્ચિત કરવા માટેના વિવિધ પાસાંઓ પર ચર્ચા કરવામાં આવી હતી.
