આ ગુન્હો BNS કલમ ૧૦૫, ૧૨૫, ૫૪, એટ્રોસીટી એક્ટ કલમ ૩(૧)(જે), ૩(૨)(૫) તેમજ પ્રોહિબિશન ઓફ એમ્પ્લોયમેન્ટ એઝ મેન્યુઅલ સ્કેવેન્જર્સ એન્ડ ધેર રીહેબીટેશન એક્ટ-૨૦૧૩ ની કલમ ૫, ૬, ૭ ના ભંગ બદલ કલમ ૮, ૯ હેઠળ નોંધાયેલ હતો. શ્રી પુરોહિતે આ ગુન્હાની તપાસનું નેતૃત્વ કર્યું હતું.
આરોપીને ઝડપી પાડવા માટે શ્રી પુરોહિતે નામદાર ધ્રાંગધ્રા કોર્ટમાંથી ભારતીય નાગરિક સુરક્ષા સંહિતા-૨૦૨૩ ની કલમ ૭૨ મુજબ વોરંટ મેળવ્યું હતું. તેમણે અલગ-અલગ ટીમો બનાવી, અસરકારક અને પરિણામલક્ષી કાર્યવાહી કરવા માટે જરૂરી સુપરવિઝન રાખ્યું હતું. સઘન તપાસ કરવા ઉપરાંત, અખબારોમાં પણ આરોપી વિશેની માહિતી પ્રસિદ્ધ કરવામાં આવી હતી.
આ પ્રયાસોના ફળસ્વરૂપે, પાટડી નગરપાલિકાના સેનેટરી ઇન્સ્પેક્ટર તરીકે ફરજ બજાવતા હર્ષદભાઇ દાનુભાઇ વિરભાણભાઇ કટારીયા (રહે. મોટો વાસ, કુંવારદ, તા. શંખેશ્વર, જી. પાટડી) ની આજરોજ તારીખ ૦૪/૦૬/૨૦૨૫ ના રોજ ધરપકડ કરવામાં આવી છે. આ મામલે આગળની કાર્યવાહી હાથ ધરવામાં આવેલ છે.
