આવી પરિસ્થિતિમાં રોજ અપડાઉન કરતા નોકરિયાત વર્ગ અને અન્ય મુસાફરોને પોતાના કામના સ્થળે તેમજ ઘરે સમયસર પહોંચવામાં ભારે હાલાકી પડી રહી છે. આ બસના કારણે દરરોજ અપડાઉન કરતા ૨૦થી વધુ મુસાફરો, જેમાં મહિલાઓનો પણ સમાવેશ થાય છે, તેઓમાં ભારે રોષ જોવા મળી રહ્યો છે.
મુસાફરોએ જણાવ્યું હતું કે, ત્રણ દિવસથી ચાલી રહેલી આ સમસ્યાના કારણે તેઓને માનસિક અને શારીરિક ત્રાસ વેઠવો પડી રહ્યો છે. સમયસર બસ ન મળવાના કારણે તેઓ પોતાના કામ પર મોડા પહોંચે છે અને ઘરે પણ વિલંબથી પહોંચે છે. આથી, આ રૂટ પર તાત્કાલિક સારી અને સુવિધાજનક બસ ફાળવવામાં આવે તેવી માંગ મુસાફરો દ્વારા કરવામાં આવી છે. એસટી તંત્ર દ્વારા આ બાબતે તાત્કાલિક ધ્યાન આપવામાં આવે તેવી મુસાફરો આશા રાખી રહ્યા છે.
