આ ઉપરાંત, ગુજરાત રાજ્યના મુખ્ય દંડક અને ધારાસભ્ય શ્રી જગદીશભાઈ મકવાણા, સાંસદ શ્રી ચંદુભાઈ સિહોરા, ધારાસભ્ય શ્રી પી. કે. પરમાર, પૂર્વ જિલ્લા ભાજપ પ્રમુખ શ્રી દિલીપભાઈ પટેલ તેમજ અનેક રાજકીય અને સામાજિક મહાનુભાવોએ હાજરી આપીને નવદંપતીઓને શુભેચ્છાઓ પાઠવી હતી.
આ સમાજસેવાના ઉમદા કાર્ય બદલ ઉપસ્થિત તમામ મહાનુભાવોએ આયોજકોને અભિનંદન પાઠવ્યા હતા અને તેમના પ્રયાસોને બિરદાવ્યા હતા. સમૂહ લગ્નોત્સવનું આયોજન સામાજિક સમરસતા અને સહકારનું ઉત્તમ ઉદાહરણ પૂરું પાડે છે, જેમાં આર્થિક રીતે નબળા પરિવારોને પણ પોતાના સંતાનોના લગ્ન સરળતાથી સંપન્ન કરવામાં મદદ મળે છે. આ પ્રસંગે અનેક લોકોએ નવદંપતીઓને ભેટસોગાદો આપીને તેમના નવા જીવનની શરૂઆતને વધુ મધુર બનાવી હતી.
આયોજકોએ તમામ ઉપસ્થિત સંતો, મહાનુભાવો અને સમાજના આગેવાનોનો આભાર માન્યો હતો અને ભવિષ્યમાં પણ આવા સમાજ ઉપયોગી કાર્યો કરતા રહેવાની પ્રતિબદ્ધતા વ્યક્ત કરી હતી.
