આ કેમ્પમાં વિવિધ રોગોના નિષ્ણાંત ડોક્ટરોએ પોતાની સેવાઓ આપી હતી, જેનો મોટી સંખ્યામાં સ્થાનિક લોકોએ લાભ લીધો હતો. ડોક્ટરો દ્વારા વિના મૂલ્યે લોકોની તપાસ કરવામાં આવી હતી અને જરૂરી સારવાર પણ પૂરી પાડવામાં આવી હતી.
સમાજના લોકો માટે આરોગ્ય સુવિધાઓ સરળતાથી ઉપલબ્ધ થાય તે ઉમદા હેતુથી આ કેમ્પનું આયોજન કરવામાં આવ્યું હતું, જેને સ્થાનિક લોકો તરફથી ખૂબ જ સારો પ્રતિસાદ મળ્યો હતો.
સતવારા સમાજના આગેવાનોએ આ પ્રસંગે જણાવ્યું હતું કે સમાજ ભવિષ્યમાં પણ આવા સેવાકીય કાર્યોનું આયોજન કરતું રહેશે, જેથી જરૂરિયાતમંદ લોકોને મદદ મળી રહે.
