આ અભિયાનના ભાગરૂપે, ૨૪ મે ૨૦૨૫ના રોજ સુરેન્દ્રનગર જિલ્લાના થાનગઢ તાલુકામાં "પ્લાસ્ટિક એકત્રીકરણ ઝુંબેશ" હાથ ધરવામાં આવી હતી. આ ઝુંબેશ અંતર્ગત પાંચાળ સિરામિક એસોસિએશન વિકાસ ટ્રસ્ટ દ્વારા સફાઈ અભિયાન હાથ ધરવામાં આવ્યું હતું. સંજય પોટરી વર્ક્સના ગ્રાઉન્ડ ખાતે એસોસિએશનના હોદ્દેદારોની ઉપસ્થિતિમાં પ્લાસ્ટિકનો કચરો એકત્રિત કરી તેનો યોગ્ય નિકાલ કરવામાં આવ્યો હતો. 
આ ઉપરાંત, પર્યાવરણીય સ્વચ્છતા જાળવવા માટે પાણીનો છંટકાવ પણ કરવામાં આવ્યો હતો. આ પહેલ વિશ્વ પર્યાવરણ દિવસની ઉજવણીના ભાગરૂપે પ્લાસ્ટિક પ્રદૂષણને ઘટાડવાના સામૂહિક પ્રયાસોમાં એક મહત્વપૂર્ણ યોગદાન પૂરું પાડે છે.
