આવેદનપત્રમાં, વિશ્વ હિન્દુ પરિષદ અને દુર્ગાવાહિનીએ પશ્ચિમ બંગાળમાં કાયદો અને વ્યવસ્થાની કથળતી પરિસ્થિતિ અંગે ગંભીર ચિંતા વ્યક્ત કરી હતી. તેમણે આરોપ લગાવ્યો હતો કે રાજ્ય સરકાર હિન્દુઓની સુરક્ષા કરવામાં નિષ્ફળ રહી છે અને તેમના પર સતત અત્યાચાર થઈ રહ્યા છે.
આ સંસ્થાઓએ માંગ કરી હતી કે મમતા બેનરજીને મુખ્યમંત્રી પદેથી તાત્કાલિક દૂર કરવામાં આવે અને પશ્ચિમ બંગાળમાં રાષ્ટ્રપતિ શાસન લાદવામાં આવે, જેથી રાજ્યમાં કાયદો અને વ્યવસ્થા પુનઃસ્થાપિત થઈ શકે અને હિન્દુઓ સુરક્ષિત રીતે જીવી શકે.
વિશ્વ હિન્દુ પરિષદ અને દુર્ગાવાહિનીના કાર્યકરોએ સૂત્રોચ્ચાર દ્વારા પોતાનો આક્રોશ વ્યક્ત કર્યો હતો અને રાજ્ય સરકારની નીતિઓની સખત નિંદા કરી હતી. તેમણે જિલ્લા કલેક્ટરને આ આવેદનપત્ર રાષ્ટ્રપતિ સુધી પહોંચાડવા વિનંતી કરી હતી.
