પ્રાપ્ત માહિતી અનુસાર, વગડીયા, ખંપાળિયા, ગઢડા અને આસુન્દ્રાળી ગામોમાં મોટા પાયે ચાલી રહેલી ખનીજ ચોરીની ગતિવિધિઓને ધ્યાનમાં લઈને પ્રાંત અધિકારી દ્વારા ૫૧ ખનીજ માફિયાઓની યાદી જાહેર કરવામાં આવી છે. આ યાદી જાહેર થતાં ખનીજ માફિયાઓમાં ફફડાટ ફેલાયો છે.
પ્રાંત અધિકારીએ વધુમાં જણાવ્યું છે કે ગેરકાયદેસર ખનન અને તેમાં સંડોવાયેલા વાહનો સામે ટૂંક સમયમાં વસૂલાતની કાર્યવાહી શરૂ કરવામાં આવશે. આ ઉપરાંત, ગેરકાયદેસર ખોદકામ થયેલી જમીનોને ખાલસા કરવા અંગેનો રિપોર્ટ પણ સરકારને રજૂ કરવામાં આવ્યો છે. વહીવટી તંત્રની આ કડક કાર્યવાહીથી ગેરકાયદેસર ખનન પર અંકુશ આવશે તેવી આશા સેવાઈ રહી છે.
