વધુમાં ઉપરોકત જણાવ્યા મુજબ રૂા.૯૫ કરોડમાં સુરેન્દ્રનગર મહાનગરપાલિકામાં સમાવેશ કરવામાં આવેલ નવા પાંચ ગામોમાં પાણી, ગટર અને સ્ટ્રીટલાઇટ વિગેરે પાયાની માળખાકીય સવલતો આપવા અંગેનુ આયોજન કરવામાં આવેલ છે. સુરેન્દ્રનગર મહાનગરપાલિકા વિસ્તારમાં નવા આઇકોનીક રોડ અને રોડ બ્યુટીફીકેશન તથા રંભાબેન ટાઉનહોલને રીનોવેશન કરવાની કામગીરી, લાઇબ્રેરી અપગ્રેડ કરવાની કામગીરી, વેજીટેબલ માર્કેટ તથા ટાગોર બાગ તથા અન્ય ગાર્ડન ડેવલોપમેન્ટની કામગીરી તથા સ્ટ્રોમ વોટર ડ્રેનેજ અપગ્રેડેશન, વિવિધ સર્કલ બ્યુટીફીકેશન, ઇન્ટીગ્રેટેડ કમાન્ડ એન્ડ કંટ્રોલ સેન્ટર બનાવવા જેવા કામોનું આયોજન કરવામાં આવેલ છે. જે કામગીરીઓ આગામી એક વર્ષમાં પૂર્ણ કરી શકાય તે માટે વિગતવાર પ્રોજેકટ ડીઝાઇન તથા ટેન્ડર પ્રક્રિયાની કામગીરી મહાનગરપાલિકા દ્વારા શરૂ કરવામાં આવેલ છે.
તેમ તા.૦૫/૦૪/૨૦૨૫,સુરેન્દ્રનગર મહાનગરપાલિકાની એક અખબારી યાદીમાં જણાવાયું છે.
