આ બનાવની જાણવા મળતી વિગત મુજબ સુરેન્દ્રનગર જિલ્લાના લીંબડી-રાજકોટ હાઈવે પર લીંબડી સર્કલ નજીક ડમ્પર અને બાઈક વચ્ચે થયેલા અકસ્માત સર્જાતા બાઈક સવાર જેઠાભાઈ કલાભાઇ ધલવાણીયા ૬૦ વર્ષીયનું ઘટનાસ્થળે જ કરૂણ મોત નીપજ્યાની પ્રાથમિક જાણકારી પ્રાપ્ત થાય છે. જ્યારે અકસ્માતની જાણ થતાં જ સ્થાનિક લોકોના ટોળેટોળા ઘટનાસ્થળે એકત્રિત થઈ ગયા હતા. આ ઘટનાને કારણે હાઈવે પર ટ્રાફિક જામની સ્થિતિ સર્જાઈ હતી.
આ બનાવની જાણ લીંબડી પોલીસને થતા તાત્કાલિક ઘટનાસ્થળે આવી મૃતદેહને પોસ્ટમોર્ટમ અર્થે લીંબડી સરકારી હોસ્પિટલ ખસેડવામાં આવ્યો છે. પોલીસે ડમ્પર ચાલક વિરૂદ્ધ અકસ્માતે મોતનો ગુનો નોંધી વધુ તપાસ શરૂ કરી છે.
