સુરેન્દ્રનગર જિલ્લાના પાટડી તાલુકાના બજાણા ગામમાં વિકાસ કામોની શરૂઆત ભાગરૂપ દસાડા-લખતરના ધારાસભ્ય પી.કે. પરમારના વરદહસ્તે નવી ગ્રામ પંચાયતનું ખાતમુહૂર્ત કરવામાં આવ્યું હતું સાથે અંદાજે ૩૭ લાભાર્થીઓને ૧૦૦ ચોરસ વારના પ્લોટના હુકમોનું પણ વિતરણ કરવામાં આવ્યું હતું. 
આ તકે કાર્યક્રમમાં તાલુકા ભાજપ પ્રમુખ રમેશભાઈ ઠાકોર, તાલુકા પંચાયત પ્રમુખ પટેલ, કારોબારી ચેરમેન રમેશભાઈ, પૂર્વ તાલુકા ભાજપ પ્રમુખ સહિત ન્યાય સમિતિના ચેરમેન, ગામના સરપંચ તેમજ હોદ્દેદારો, અધિકારીઓ અને મોટી સંખ્યામાં ગ્રામજનો પણ ઉપસ્થિત રહ્યા હતા.
