ભાવનગર ડિવિઝનના સીનીયર ડિવિઝનલ કોમર્શિયલ મેનેજર શ્રી માશૂક અહમદે જણાવ્યું હતું કે જૂનાગઢ સ્ટેશનેથી ટ્રેન ઉપડ્યા બાદ જ્યારે મુસાફરને તેનો મોબાઈલ (આઈ-ફોન) મળ્યો ન હતો, ત્યારે તેણે તાત્કાલિક જૂનાગઢ ટિકિટ નિરીક્ષક શ્રી અજય સોલંકીનો તેમની ઓફિસમાં સંપર્ક કર્યો હતો અને સમગ્ર વાત ઝણાવી. તેમણે તે ટ્રેનના કોચમાં કાર્ય કરતા ટિકિટ નિરીક્ષક શ્રી એસ. પી. મીણા નો સંપર્ક કરી ગુમ થયેલ મોબાઈલ અંગે જાણ કરી હતી. જ્યારે ટિકિટ નિરીક્ષક ઉલ્લેખિત કોચ પાસે ગયા ત્યારે તેમને બર્થ પર મોબાઈલ ફોન મળ્યો હતો, જે અંગે તેમણે જૂનાગઢના ટિકિટ નિરીક્ષકને જાણ કરી હતી. તે સમયે ટ્રેન કેશોદ સ્ટેશને પહોંચવાની હતી ત્યારે કેશોદમાં કાર્ય કરતી મહિલા કર્મચારી ગીતા જોશી (ઈસીઆરસી) જૂનાગઢ આવવાની હતી. ટીકીટ ઈન્સ્પેકટરે તેમનો સંપર્ક કરી મોબાઈલ ફોન તેમને આપ્યો હતો, તેઓ મોબાઈલ જૂનાગઢ ખાતે લાવી મુસાફરને આપ્યો હતો. મોબાઈલ મળતાં પેસેન્જરે ટિકિટ નિરીક્ષક શ્રી અજય સોલંકી અને રેલવે પ્રશાસનનો આભાર માન્યો હતો.
ડિવિઝનલ રેલ્વે મેનેજર શ્રી રવીશ કુમારે ઉપરોક્ત કામગીરી બદલ સંબંધિત કર્મચારીઓની પ્રશંસા કરી હતી.
