બેઠક દરમિયાન નાયબ કલેકટરશ્રીએ તમામ અધિકારીઓને લોકાભિમુખ વહીવટ, પારદર્શિતા અને લોકોને ન્યાય મળે તે દિશામાં કાર્ય કરવા પર ભાર મૂક્યો હતો. આ ઉપરાંત, બેઠકમાં આરોગ્ય, શિક્ષણ, આંગણવાડી, પુરવઠા અને ફોરેસ્ટ વિભાગોને લગતા વિવિધ પ્રશ્નો પર વિસ્તૃત ચર્ચા કરવામાં આવી હતી. ચર્ચાના અંતે આંતરિક પ્રશ્નોનું તાત્કાલિક નિરાકરણ લાવવામાં આવ્યું હતું.
આ બેઠકમાં મામલતદારશ્રી ચોટીલા, નાની મોલડીના પોલીસ ઇન્સ્પેકટરશ્રી, તાલુકા વિકાસ અધિકારીશ્રી ચોટીલા સહિતના સંબંધિત વિભાગોના અધિકારીઓ ઉપસ્થિત રહ્યા હતા. તાલુકાના વિકાસ અને લોકોની સમસ્યાઓના નિવારણ માટે આ બેઠક ખૂબ જ ફળદાયી રહી હતી.
