બેઠકમાં સંભવિત કમોસમી વરસાદ અને વાવાઝોડાની પરિસ્થિતિને પહોંચી વળવા માટેની વિસ્તૃત તૈયારીઓ પર ચર્ચા કરવામાં આવી હતી. જેમાં તાત્કાલિક પ્રતિક્રિયા ટીમ (RRT)ની કામગીરી અને તેની સજ્જતા, રાહત શિબિરોની તૈયારીઓ અને તેમાં જરૂરી વ્યવસ્થા, તબીબી સહાય અને આરોગ્ય વિભાગની જવાબદારીઓ, તેમજ ખોરાક, પાણી અને રહેઠાણ જેવી આવશ્યક સેવાઓની ઉપલબ્ધતા સુનિશ્ચિત કરવા પર ભાર મૂકવામાં આવ્યો હતો.
આ ઉપરાંત, સંચાર વ્યવસ્થાને મજબૂત બનાવવા અને માધ્યમો દ્વારા લોકોને સચોટ માહિતી પૂરી પાડવા અંગે પણ ચર્ચા થઈ હતી. સરકારી વિભાગો વચ્ચે ઉત્તમ સંકલન જાળવવા અને એન.જી.ઓ./સ્વયંસેવક સંગઠનોની સહભાગીદારી વધારવા પર ભાર મૂકવામાં આવ્યો હતો. બચાવ અને રાહત કામગીરીમાં ઉપયોગમાં લેવાય તેવા સાધનો અને વાહનોની ઉપલબ્ધતા અને તેની કાર્યક્ષમતા પણ ચકાસવામાં આવી હતી.
અગાઉના અનુભવોના આધારે સુધારા સૂચનો પણ આવકારવામાં આવ્યા હતા, જેથી ભવિષ્યમાં આવી પરિસ્થિતિઓનો વધુ અસરકારક રીતે સામનો કરી શકાય. જનજાગૃતિ અભિયાન ચલાવી લોકોને સંભવિત આફતો અને તેમાંથી બચવાના ઉપાયો વિશે માહિતગાર કરવા પર પણ ભાર મૂકવામાં આવ્યો હતો.
આ બેઠકમાં ખાસ કરીને નુકસાનીના સર્વે માટેની ટીમોને સ્ટેન્ડબાય રાખવા, ગોડાઉનમાં પૂરતો આવશ્યક ચીજવસ્તુઓનો જથ્થો ઉપલબ્ધ રાખવા, વરસાદી આંકડાઓ દર બે કલાકે સચોટ રીતે આપવા, વીજ પુરવઠો ખોરવાય ત્યારે તેને તાત્કાલિક ચાલુ કરવા માટે ટીમોને તૈનાત રાખવા અને કોઝવે ઉપર રેડીયમવાળા સાઈન બોર્ડ લગાવવા જેવા મુદ્દાઓ પર પણ વિગતવાર ચર્ચા થઈ હતી..jpeg)
.jpeg)
આ બેઠકમાં મામલતદાર ચોટીલા, તાલુકા વિકાસ અધિકારી ચોટીલા, પોલીસ ઇન્સ્પેક્ટર ચોટીલા અને નાની મોલડી, ચીફ ઓફિસર ચોટીલા નગરપાલિકા, પી.જી.વી.સી.એલ., જેટકો, પાણી પુરવઠા અને નર્મદા વિભાગના નાયબ કાર્યપાલક ઇજનેરશ્રીઓ, તાલુકા પ્રાથમિક શિક્ષણાધિકારી, અને તાલુકા હેલ્થ ઓફિસર સહિતના મહાનુભાવો ઉપસ્થિત રહ્યા હતા. આપત્તિ વ્યવસ્થાપન માટે કંટ્રોલ રૂમ નંબર ૦૨૭૫૧-૨૮૦૨૭૯ જાહેર કરવામાં આવ્યો છે, જે લોકો માટે મદદ મેળવવા માટે ઉપલબ્ધ રહેશે.
