મળતી માહિતી મુજબ, વઢવાણના વોર્ડ નંબર ૧૨ અને ૧૩માં છેલ્લા સાત-આઠ દિવસથી પાણી પુરવઠો ખોરવાયો છે. ઉનાળાની ગરમીમાં પાણીની તંગીથી પરેશાન મહિલાઓએ આજે રસ્તા પર ઉતરી આવીને પોતાનો રોષ વ્યક્ત કર્યો હતો. મોટી સંખ્યામાં મહિલાઓ એકત્ર થઈને પાણી નિયમિત આપવાની માંગ સાથે સૂત્રોચ્ચાર કર્યા હતા અને હાઈવે પર વાહન વ્યવહાર થોડા સમય માટે ખોરવી નાખ્યો હતો.સ્થાનિકોના જણાવ્યા અનુસાર, મહાનગર પાલિકા બન્યા બાદ પાણીની સ્થિતિ સુધરવાની અપેક્ષા હતી, પરંતુ પરિસ્થિતિ વધુ કથળી છે. ઉનાળામાં પાણીની નિયમિતતા જળવાઈ રહે તે માટે મહિલાઓએ પાલિકા તંત્રને તાકીદ કરી છે.
