પોલીસ પરિવારના બાળકો ટેકનોલોજીના યુગમાં પાછળ ન રહી જાય અને તેઓને વેકેશનના સમયનો સદુપયોગ કરી કોમ્પ્યુટરનું જ્ઞાન મળે તે હેતુથી આ નિઃશુલ્ક કોમ્પ્યુટર ક્લાસનું આયોજન કરવામાં આવ્યું છે. પોલીસ અધિક્ષકની પ્રેરણાથી શરૂ થયેલા આ ક્લાસમાં બાળકો ઉત્સાહભેર ભાગ લઈ રહ્યા છે.
બંને બેચમાં બાળકોને કોમ્પ્યુટરની મૂળભૂત જાણકારી, ઓપરેટિંગ સિસ્ટમ, એમએસ ઓફિસ અને ઇન્ટરનેટના ઉપયોગ જેવી બાબતોનું શિક્ષણ આપવામાં આવી રહ્યું છે. પોલીસ વિભાગ દ્વારા આ પ્રકારની પ્રવૃત્તિઓ પોલીસ પરિવારના સભ્યોને પ્રોત્સાહન પૂરું પાડવા માટે સતત કરવામાં આવતી રહે છે. આ નિઃશુલ્ક કોમ્પ્યુટર ક્લાસ બાળકો માટે જ્ઞાનવર્ધક અને ઉપયોગી સાબિત થશે.
