.jpeg)
તપાસ દરમિયાન જણાયેલી મુખ્ય ક્ષતિઓમાં
- મેડીકલ ઓફિસરની ગેરહાજરી અને ચાર્જની અનિશ્ચિતતા: સવારે ૧૦:૨૫ કલાકે મેડીકલ ઓફિસર ફરજ પર હાજર ન હતા અને સ્ટાફને પૂછતાં જાણવા મળ્યું કે તેઓ રાજકોટ તાલીમમાં ગયા છે. પરંતુ તેમનો ચાર્જ કોને સોંપવામાં આવ્યો છે તેની કોઈ માહિતી હાજર સ્ટાફ પાસે નહોતી.
- ફાર્માસિસ્ટની નિયમિત ગેરહાજરી: ફાર્માસિસ્ટ એમ.બી. ઝાલા સતત ગેરહાજર રહેતા હોવાનું અને મહિનામાં એકવાર આવીને તમામ હાજરી પૂરી જતા હોવાનું સામે આવ્યું છે.
- અન્ય સ્ટાફની મંજૂરી વગર ગેરહાજરી: શ્રીમતી એ.કે. પરમાર (FHS), મનસુખભાઈ પરમાર (સ્વીપર), અને શ્રીમતી કિરણબા રાણા (આયા) કોઈપણ પ્રકારની મંજૂરી વગર ગેરહાજર જોવા મળ્યા હતા.
- ઓછા સ્ટાફની હાજરી: ઓપીડીનો સમય સવારે ૯:૦૦ થી ૧:૦૦ અને સાંજે ૪:૦૦ થી ૬:૦૦ નો હોવા છતાં, ૧૦:૩૦ કલાકે કુલ ૧૨ સ્ટાફમાંથી માત્ર ૪ જ કર્મચારીઓ હાજર હતા, એટલે કે ૮ કર્મચારીઓ ગેરહાજર હતા.
- જનરલ ઓપીડી રજીસ્ટરમાં ગેરરીતિ: જનરલ ઓપીડી રજીસ્ટરની તપાસમાં કુલ ૬૦ જેટલા દર્દીઓના નામમાં માત્ર લીટા દોરેલા હતા અથવા તો નામ વાંચી શકાય તેવા નહોતા. આ ઉપરાંત, એક પણ દર્દીનો મોબાઇલ નંબર નોંધાયેલો ન હતો અને તમામ દર્દીઓ સામે માત્ર એક જ કેસ નોંધાયેલો જોવા મળ્યો હતો. અન્ય કોઈ સારવાર કે કેસની નોંધણી રેકોર્ડ પર નહોતી.
- અન્ય રજીસ્ટરની જાળવણીનો અભાવ: કોલ્ડ ચેઇન રજીસ્ટર, ડેડ સ્ટોક રજીસ્ટર, ઇન્ડેન્ટ રજીસ્ટર અને રેફરલ રજીસ્ટર જેવા મહત્વપૂર્ણ રજીસ્ટર યોગ્ય રીતે નિભાવવામાં આવ્યા ન હતા.
- બાયોમેટ્રિક હાજરીમાં ગેરરીતિ: બાયોમેટ્રિક હાજરી સિસ્ટમ ઉપલબ્ધ હોવા છતાં, માત્ર એક જ કર્મચારીએ થમ્બ આપીને હાજરી પૂરી હતી, જ્યારે અન્ય સ્ટાફે હાજરી નોંધાવી ન હતી.
- આવશ્યક દવાઓની યાદી અંગે અસ્પષ્ટતા: હોસ્પિટલમાં આવશ્યક દવાઓની યાદી ઉપલબ્ધ છે કે કેમ તે અંગે કોઈ સ્પષ્ટતા જોવા મળી ન હતી.
- સ્વચ્છતાનો અભાવ: હોસ્પિટલની સ્વચ્છતા પ્રત્યે પણ કોઈ ધ્યાન આપવામાં આવતું ન હોવાનું જણાયું હતું.
.jpeg)
.jpeg)
નાયબ કલેકટર મકવાણાએ આ તમામ ગંભીર ક્ષતિઓને ધ્યાનમાં લઈને તાત્કાલિક ધોરણે સંબંધિત અધિકારીઓ અને કર્મચારીઓને નોટિસ પાઠવી છે અને આ બાબતે કડક કાર્યવાહી કરવામાં આવશે તેમ જણાવ્યું છે. આ ઘટનાથી સમગ્ર તાલુકામાં આરોગ્ય વિભાગની કામગીરી સામે સવાલો ઉભા થયા છે.!
