વકીલોએ જણાવ્યું હતું કે આતંકવાદીઓએ દેશની અખંડતા અને એકતાને તોડવાના ઇરાદાથી નિર્દોષ પ્રવાસીઓ પર ફાયરિંગ કર્યું છે, જે અત્યંત નિંદનીય છે. બાર એસોસિએશને માંગ કરી હતી કે આ હુમલામાં સંડોવાયેલા તમામ આતંકવાદીઓ સામે કડક કાર્યવાહી કરવામાં આવે અને તેમને સખત સજા મળે.
નિર્દોષ લોકોના માનવવધના વિરોધમાં સુરેન્દ્રનગરના વકીલોએ આતંકવાદ સામે સરકારને વધુ કડક પગલાં લેવા અનુરોધ કર્યો હતો. તેમણે જણાવ્યું હતું કે સરકારે આતંકવાદીઓને તેમની જ ભાષામાં જડબાતોડ જવાબ આપવો જોઈએ, જેથી ભવિષ્યમાં આવી ઘટનાઓનું પુનરાવર્તન ન થાય.
વકીલોએ પીડિત પરિવારો પ્રત્યે પણ પોતાની સંવેદના વ્યક્ત કરી હતી.
