સુરેન્દ્રનગર જિલ્લાના મુળી નેશનલ હાઇવે પર અકસ્માતની ઘટનામાં પાટણથી દ્વારકા તરફ જતી એસટી બસનો બાઈક અને કાર સાથે ટક્કર થતા અકસ્માત થયો હતો. જેમાં અંદાજે સાત લોકોને નાની-મોટી ઈજા થતા સારવારાર્થે હોસ્પિટલમાં ખસેડવામા આવ્યા હતા. પોલીસે અકસ્માત અંગેનો ગુનો નોંધી વધુ તપાસ હાથ ધરી હતી.
આ બનાવની જાણવા મળતી વિગત મુજબ સુરેન્દ્રનગરનાં મુળી તરફના નેશનલ હાઈવે પર આવેલા ત્રિમંદિર પાસે પાટણથી દ્વારકા તરફ જઈ એસટી બસની એક બાઈક અને કાર સાથે ટક્કર થતાં અકસ્માત થયો હતો. આ અકસ્માતમાં અંદાજે સાત લોકોને નાની-મોટી ઈજા પહોંચી હતી.
જ્યારે એસટી બસના ચાલકે કાર ચાલકને બચાવવાનો પ્રયાસ કરતા પરંતુ બસ રોડની નીચે ઉતરી જતાં ઇલેક્ટ્રીક પોલ સાથે અથડાતા કુલ સાત વ્યક્તિઓને નાની-મોટી ઈજાઓ થતાં તમામ ઈજાગ્રસ્તોને તાત્કાલિક હોસ્પિટલમાં સારવાર માટે ખસેડવામાં આવ્યા હતા. જ્યારે પોલીસે ઘટનાસ્થળે દોડી આવી અકસ્માત અંગેનો ગુનો નોંધી વધુ તપાસ હાથ ધરી હતી.
