નાયબ કલેક્ટરની આકસ્મિક તપાસમાં અનેક ગંભીર ગેરરીતિઓ સામે આવી હતી. પ્રાથમિક તપાસ મુજબ, આ ગોડાઉન ૨૦૧૯ થી ગેરકાયદેસર રીતે LPG નો સંગ્રહ અને વિતરણ કરી રહ્યું હતું. આ માટે Petroleum and Explosives Safety Organization (PESO) ની કોઈ મંજૂરી મેળવવામાં આવી ન હતી.
મુખ્ય ગેરરીતિઓ.....
- મંજૂરીનો અભાવ: ગોડાઉન પાસે PESO ની સ્ટોરેજ અને વિતરણ અંગેની કોઈ માન્યતા કે લાઇસન્સ નહોતું.
- હિસાબી રેકોર્ડનો અભાવ: સ્ટોક રજીસ્ટર, ગેસ કનેક્શન ધારકોની યાદી, અને વિતરણના કોઈ આધારભૂત પુરાવા મળી આવ્યા નહોતા.
- સુરક્ષાનો ભંગ: ગોડાઉનમાં વીજળીના તાર ખેંચી પંખો ચલાવવામાં આવતો હતો, જે Explosive Act અને Rules નો સીધો ભંગ છે અને પોતાના તેમજ આસપાસના લોકોના જીવનને જોખમમાં મૂકવા સમાન છે.
- ગ્રાહકને અન્યાય: ગ્રાહકોને ઘરે ડિલિવરી ન થાય તો મળવાપાત્ર રૂ.34ના રીબેટનો લાભ આપવામાં આવતો નહોતો.
- નિયમોનો ભંગ: ગેસ સિલિન્ડર રૂલ્સ ૨૦૧૬ ના નિયમો ૩ થી ૨૮ નો સ્પષ્ટ ભંગ કરવામાં આવ્યો હતો.
- અસ્વચ્છતા: ગોડાઉનમાં સ્વચ્છતાનો અભાવ જોવા મળ્યો હતો.
આ ગેરકાયદેસર ગોડાઉન ધ્રુવીન વિરેન્દ્રભાઈ વોરા, રહે. થાનગઢ, દ્વારા ચલાવવામાં આવતું હતું. તેમની સામે નિયમોનુસાર કાયદેસરની કાર્યવાહી હાથ ધરવામાં આવશે. આ પ્રકારની કાર્યવાહી ગેરકાયદેસર પ્રવૃત્તિઓ પર લગામ કસવા અને જાહેર સલામતી સુનિશ્ચિત કરવા માટે મહત્વ પૂર્ણ છે.
