જ્ઞાનની અનુમોદનાર્થે આયોજિત આ શૈક્ષણિક કીટ વિતરણ કાર્યક્રમમાં લાભાર્થી પરિવાર શ્રીમતી સોનલબેન શૈલેષભાઈ કટુડાવાળા દ્વારા ઉમદા યોગદાન પૂરું પાડવામાં આવ્યું હતું. શ્રીમતી સોનલબેન અને તેમના પરિવારે શિક્ષણના પ્રસારમાં પોતાનો સહયોગ આપી સમાજને પ્રેરણા પૂરી પાડી હતી.
આ પ્રસંગે ધારાસભ્ય જગદીશભાઈ મકવાણાએ વિદ્યાર્થીઓને પ્રોત્સાહિત કર્યા હતા અને શિક્ષણનું મહત્વ સમજાવ્યું હતું. તેમણે શ્રી જૈન યુવક મંડળ એજ્યુકેશન રાહત કેન્દ્રના આ પ્રયાસોને બિરદાવ્યા હતા અને આવા સામાજિક કાર્યોને રાજ્ય સરકાર તરફથી સંપૂર્ણ સહયોગની ખાતરી આપી હતી.
શ્રી જૈન યુવક મંડળના સભ્યોએ જણાવ્યું હતું કે આ શૈક્ષણિક કીટ વિતરણ થકી જરૂરિયાતમંદ વિદ્યાર્થીઓને શિક્ષણ મેળવવામાં મદદ મળશે અને તેઓ ભવિષ્યમાં સમાજ અને રાષ્ટ્રના નિર્માણમાં યોગદાન આપી શકશે. આ સમારોહમાં મોટી સંખ્યામાં વિદ્યાર્થીઓ, વાલીઓ અને જૈન સમાજના અગ્રણીઓ ઉપસ્થિત રહ્યા હતા.
