જોકે, આ બધા વચ્ચે વઢવાણ તાલુકામાંથી વધુ એક સકારાત્મક સમાચાર સામે આવી રહ્યા છે. અગાઉ બલદાણા ગ્રામ પંચાયત સમરસ જાહેર થયા બાદ હવે વડોદ, દેદાદરા અને ટીંબા ગ્રામ પંચાયત પણ સમરસ બનવા તરફ અગ્રેસર હોવાનું જાણવા મળ્યું છે. આ ગામોમાં ચૂંટણી ટાળીને સર્વસંમતિથી વહીવટની કમાન સોંપાય તે દિશામાં પ્રયાસો ચાલી રહ્યા છે, જે લોકશાહી પ્રક્રિયામાં એક સકારાત્મક અને પ્રશંસનીય પગલું ગણી શકાય. આનાથી ગ્રામીણ સ્તરે એકતા અને સહકારની ભાવના મજબૂત થશે.
