મુખ્યમંત્રીશ્રી ભૂપેન્દ્રભાઇ પટેલની અધ્યક્ષતામાં મળેલી કેબિનેટ બેઠકમાં વર્ષ ૨૦૨૫-૨૬ના બજેટમાં મંજૂર કરેલી બાબતોની સમીક્ષા કરાઇ

નાણાં વિભાગ દ્વારા વર્ષ ૨૦૨૫-૨૬ ના બજેટની ૯૯% જેટલી ચાલુ બાબતો -અને ૭૭% ટકા જેવી નવી બાબતોની મંજૂરી આપવામાં આવી છે - પ્રવક્તા મંત્રી શ્રી ઋષિકેશ પટેલ

મુખ્યમંત્રીશ્રી ભૂપેન્દ્રભાઇ પટેલની અધ્યક્ષતામાં ગાંધીનગર ખાતે મળેલી કેબિનેટ બેઠકમાં વર્ષ ૨૦૨૫-૨૬ના બજેટની વિવિધ બાબતોનું રીવ્યું કરવામાં હોવાનું પ્રવક્તા મંત્રી શ્રી ઋષિકેશ પટેલે જણાવ્યું હતુ. તેમણે વધુમાં ઉમેર્યુ કે, વિકસિત ગુજરાત થી વિકસિત ભારત બનાવવાના સંકલ્પને સિધ્ધ કરવા માટે બજેટની વિવિધ જોગવાઇનું ઝડપી અમલીકરણ કરવા  મુખ્યમંત્રીશ્રીએ સૂચના આપી છે. 

જેના ભાગરૂપે આજે કેબિનેટ બેઠકમાં નાણા વિભાગ દ્વારા મંજૂર કરવામાં આવેલ દરખાસ્તોનું પણ રીવ્યું કરવામાં આવ્યું હતું.  વર્ષ ૨૦૨૫-૨૬ માં રજૂ થયેલ ૩ લાખ ૭૦ હજાર કરોડથી વધુની રકમમાં ૯૯% જેટલી ચાલુ બાબતો અને ૭૭ % જેવી નવી બાબતોની મંજૂરી નાણાં વિભાગ દ્વારા આપવામાં આવી હોવાનું મંત્રીશ્રી ઋષિકેશ પટેલે જણાવ્યું હતુ. જેમાં ચાલુ બાબતોમાં કુલ – ૨૭૧૯ પૈકી ૨૬૯૨ અને નવી બાબતોમાં  કુલ - ૧૧૪૮ પૈકી ૮૮૩ બાબતોને મંજૂરી આપવામાં આવી હોવાનું મંત્રીશ્રીએ ઉમેર્યુ હતુ.