ગોવિંદભાઈ પોપટભાઈ ઠાકોરના પુત્ર જેસલના સ્વાગત સમારોહમાં ગામના સરપંચ નનુભાઈ, યુવા અગ્રણી સાવનભાઈ, ભાજપના આગેવાન ચિંતનભાઈ મહેતા સહિત મોટી સંખ્યામાં ગ્રામજનો ઉમટી પડ્યા હતા. આ પ્રસંગે ગામમાં એક ભવ્ય તિરંગા યાત્રાનું આયોજન કરવામાં આવ્યું હતું, જેમાં "ભારત માતા કી જય" ના ગગનભેદી નારા સાથે જેસલનું ઉષ્માભર્યું સ્વાગત કરવામાં આવ્યું હતું.
નોંધનીય છે કે, જેસલના માતા-પિતાએ મજૂરી કરીને તેનો ઉછેર કર્યો છે, ત્યારે તેમના પુત્રએ દેશ સેવા માટે આર્મીમાં જોડાઈને ગામ અને પરિવારનું ગૌરવ વધાર્યું છે. જેસલની આ સિદ્ધિ અન્ય યુવાનો માટે પણ પ્રેરણાદાયક બની રહેશે.
